خلية نحل مضحكة جدا في مكتب بريد المنيا الرئيسي

عماد نادي ابراهيم الإثنين نوفمبر 14, 2011 12:16 am

اامبارح كان المكتب عامل زي خلية النحل المضحكة جدا ،، لسبب بسيط لان المكتب كله بحوالي 12 شباك شغالين علي عدد 2 طابعة فقط ،، تخيلوا بقي ان فيه طابعة منهم اتعطلت ،، فاصبح الــ 12 شباك شغالين علي طابعة واحدة و طبعا كل موظف كان بيطبع ايصال او كشف حساب كان بيضطر يقوم من مكانه و يلف في المكتب عشان يجيب الايصال بتاعه من علي الطابعة ،، و كان فيه زحام شديد من الموظفين علي الطابعة لدرجة ان كان فيه طابور من الموظفين عشان كل واحد ياخد ايصال العميل بتاعه و اشتغل بقي شغل الواسطةو المحسوبية يعني اللي كان الموظف اللي شغال جنب الطابعة بيحبه كان بيمشيه بدري ،، فكان مكتب بريد المنيا عامل زي خلية النحل من الموظفين ،، و تخيلوا بقي تعليقات العملاء ( متجيبولكم طابعة هو انتوا فقراء ،، و كل الفلوس اللي داخلة ليكم دي و مفيش امكانيات ) تحس ان الناس فاكرينا احنا اللي معفنين و نتنين و بخلاء و ميعرفوش ان الهيئة نفسها هي اللي عايزة تغزل برجل حمار و عايزه تحشي خدمات من غير ما توفر الامكانيات ،، و بعد مرور اكتر من 3 ساعات حتي اصلاح الطابعة ،، وفعلا اتصلحت و اشتغلت وقعنا في مشكلة تانية و هي ان الورق الـ A4 خلص من المكتب و انتظرنا نشحت ورق من المخازن و نثبت ليهم ان فعلا الشغل في المكتب زحمة و ان الورق خلص فعلا ،، اه نسيت اقول ليكم ان مشكلة الورق دي بتحصل كل يوم لدرجة ان احنا كرهنا الشغل و العيش و العيشة واللي عايشينها ،، و دي يوميات موظف في مكتب بريد المنيا

على محمد عل ابراهيم الإثنين نوفمبر 14, 2011 1:59 am

انا لسانى تعب من الكلام وحاسس انى واقف على كوكب تانى وبكلم ناس فى كوكب تانى وقال اية فاكرهم بيسمعونى .......يا ناس يا مسئولين يا اللى فى الهيئة حسوا شوية بينا وبالناس اللى حياتها مرتبطة بخدمات البريد واللة الموظفين والناس تعبوا جدا من الوضع المزرى اللى وصلت الية المكاتب من شكل ومضمون واللة عيب جدا مؤسسة بحجم البريد توصل للوضع دة انا عايز اعرف مين لية مصلحة فى كدة لان اى وضع فى الدنيا سواء كان وضع سئ او وضع كويس لازم فى ناس مستفيدين من الوضع دة انا بقولهم حرام عليكم واللة ما حد واخد حاجة معاة غير الزكرى الكويسة اعملوا حاجة كويسة فى حياتكم قبل مماتكم دة المسؤلين عن الوضع دة واللة ربنا هيعلقهم من عنيهم ولسانهم يوم القيامة على اللى عملينة فينا وفى الناس دة ... عماد نادى دة بيتكلم من سنة فاتت وانا معاة فى نفس المكان بتكلم من سنة فاتت ولا حد سائل فينا لية كدة مفيش حد لية يتحقق من كلامنا احنا عايشين فين دة اليهود مش عاملين كدة فى بلادهم

مجتهد الإثنين نوفمبر 14, 2011 7:34 am

حقيقى لا تعليق على هذه المهزله . ربنا يكون فى عونكم . أمال فين المدير ونائب المدير ورئيس المجموعة لما مكتب رئيسى كبير زى دة يحصل فيه كدة . ربنا يعينكوا وتستحملوا تريقة الناس اللى تحرق الدم . حقيقى ربنا يكون فى عونكم .

خلية نحل مضحكة جدا في مكتب بريد المنيا الرئيسي

خلية نحل مضحكة جدا في مكتب بريد المنيا الرئيسي

اقول اية بس

لا تعليق