هناك اتجاة لتطبيق يوم اجازة بجانب الجمعة وفتح 5 مكاتب في كل منطقة

يومين اجازة اسبوعية لجميع العاملين بالهيئة اعتبارا من 1/1/2012
إيماء لموافقة مجلس الإدارة للهيئة القومية للبريد بالجلسة رقم 233 بتاريخ 28/9/2011 والمعتمدة من السيد وزير الإتصالات وتكنولوجيا المعلومات، فقد تم التصديق على منح العاملين بالهيئة اجازة يومين اسبوعيا اعتبارا من 1/1/2012 على أن يتم على وجة السرعة اعداد مشروع لتنفيذ ذلك لتكون يومين ( الخميس أوالسبت ) بالإضافة إلى يوم الجمعة مع بحث إمكانية غلق المكاتب النائية أو مكاتب الوكيل المفرد التى تتسم بقلة النشاط بما لا يؤثر سلبا على خدمة المواطنين - اما بالنسبة لمراكز الحركة البريدية سواء الرئيسية أو الفرعية يتم تنفيذ العمل بنظام الورديات

كنت لسه هنزل الموضوع ده بس انت سبقت عاااااااااااش يابطل ومجهود رائع منتظرين المزيد ولك منى كل الحب والتقدير
اخوك
&& فارس ايجيبتوز &&

ودا كمان هيبقاى بالنسبه للمكاتب الرئيسيه ؟؟؟؟

ربنا يسهل ويتنفذ القرار وميرجعوش فيه بحجه مصالح المواطنين اصلها بقت هى دى الشماعه لكل من هب ودب مصلحه المواطنيين.وشكراااااااااااااا.

هل هذه اشاعة او حقيقة ( شوية الوزير لغي يوم الاجازة وشوية تطبق اول يناير )
هناك اتجاة لتطبيق يوم اجازة بجانب الجمعة وفتح 5 مكاتب في كل منطقة واختيارهم حسب الموقع الجغرافي
- واقتراحات لتعويض الموظفين بمقابل مادي عن هذا اليوم ( 40ج للموظف , 50ج للوكيل ) والله اعلم
- اتمني من الله الاحسن للبريد

شكلها كدة وعود اونطة النهاردة 18 فش الشهر ولسة مفيش اي اخبار عن اليوم الاجازة دول يموتوا ويدونا يوم اجازة اذا كان بيجبونا نشتغل في اجازة العيد الي كل سنة هايدونا يوم كل اسبوع ؟؟؟؟؟؟؟؟؟؟؟؟؟؟؟؟ دول عايزنا نشتغل 24 ساعة فاكرين ايام ما كنا بنشتغل يوم الجمعه ........ دة كلام تثبيت عشان الثورة تنام وكل عام وانتم بخير ؟

اولا يا استاذ فارس ليا سؤال ... هو الكلام اللى احنا بنقولة دة بقالنا شهور بيتسمع فعلا فى ادارة العتبة ولا محدش مهتم اصلا بينا ؟ طبعا الاجابة هعرفها لما الاقى البريد فى يوم طالع لقدام او راجع للخلف ...
المهم ... موضوع عدد ساعات العمل فى البريد او عدد ايام العمل فى البريد مش هى دى مشكلتة اصلا ... بدليل اداء مؤسسات كتير بتاخد اجازة يوم الجمعة والسبت زى البنوك مثلا ادائها ممتاز .. كدة يبقا المشكلة اصلا فى البريد فى اعادة هيكلة البريد من تانى واختيار الكفاءات فى ادارة كل حاجة فى البريد من اول المكتب الدرجة الثالثى الى اكبر قيادات البريد دة اولا وثانيا اعادة توزيع الخدمات الخاصة بالبريد حسب الموقع الجغرافى وحسب الكثافة السكانية وتخصيص مكاتب بعينها فى خدمات معينة ... عندى فى مدينة المنيا مثلا لو انى مسئول هعمل الاتى :::: مكتب بريد المنيا محطة يتخصص فى .. حركة الخطابات الحكومية والبريد السريع والمسجل و الطرود و بس على مستوى مدينة المنيا وهوفر للمكتب كل الامكانيات اللى تخلية يقوم بواجباتة نحو تخصصة ... وهنا ممكن اقول اية الافادة اللى رجعت على البريد من كدة .. الافادة هى التخصص اصل وقاعدة مهمة للنجاح فى تقديم الخدمات وتوفير بنزين السيارات اللى بتلف المنيا كلها تلم الخطابات والطرود وتوديها مركز الحركة مع العلم بأن مركز الحركة تحت مكتب بريد المنيا محطة والاثنان بينهم وبين محطة السكة الحديد 200 متر .. وكتب بريد المنيا الرئيسى ومكتب حى سلطان ومكتب المنيا فرعى يتخصصون فى الاعمال المالية وبس اللى هى الحوالات والتوفير والحساب الجارى ويتم توفير الامكانيات والوسائل المساعدة لنجاح المكتب فى اداء خدماتة والمكاتب الدرجة الثالثة كلها تتخصص فى صرف المكعاشات وبس ويسحب منها كل العمالة الزائدة وتروح فى المكاتب الكبيرة اللى محتاجة هذة العمالة ويكون كل مكتب درجة ثالثة لا يزيد عدد العاملين فية بالوكيل عن 3 افراد .. والكلام دة ينطبق على المركز الاخرى فى المحافظة مع مراعاة توصيل خدمات معينة ومهمة ومتكلفش الهيئة اكتر من اللى بتكسبة من الخدمات دى الى بعض المناطق النائية .. انا مؤمن جدا جدا بالتخصص واللى انا شايفى فى مكاتب البريد من هرجلة فى الخدمات وادخال خدمات جديدة بدون اى وعى عن كيفية تقديمها او العائد منها .. والعائد منها كتير بس اللى بيتصرف عليها اكتر .. التخصص هو سر نجاح اى مؤسسة فى الدنيا .. وبكدة البريد لو اشتغل يوم واحد فى الاسبوع انا متأكد انة هيكسب كتير جدا جدا ,,, يا رب حد يسمع

انا ارى ان اجازة يوم السبت كانت احد المطالب الرئيسية فى اضرابات البريد الاخيرة وقد تم الموافقة عليها على ان تطبق من 1/1/ والمزايدة عليها الان يعطى برهان على تلاعب الادارة العليا بمصالح العاملين و الاستهانة بعهودها فليس المهم من كان رئيس مجلس الادارة المهم انة قد تمت الموافقة وتم اعتمادها من الوزير