خلينا رجالة مرة واحدة زى الشرقية

اذا تم الاستهزاء بكلامنا ومطالبنا المشروعة اللى هى اساس لرغيف العيش مش لمارينا سوف يتم ان شاء اللة الاضراب عن العمل فى شهر 9 وسوف يتم ان شاء اللة التنسيق مع كل المناطق على مستوى الجمهورية لتكبيد البريد اكبر خسارة فى تاريخة عشان السادة رؤساء القطاعات والمديريين والفاسدين ميلاقوش فلوس ياخوها فى شكل حوافز ومكافأت وزى ما بيقول المثل علىيا وعلى اعدائى يا رب

دى صور من اعتصام ابناء الشرقية اللى احنا عالة عليهم لو تم تنفيذ مطالبهم المفروض نقف معاهم لان مطالبهم مشروعة وهى هى مطابنا بردو وكفايانا خوف هيعملوا فينا اية اكتر من اللى عاملينو معانا[img][/img]

ربنا معاهم

كله كلام وبس وساعة الجد مفيش واحد من اى مكتب بيتحرك خلينا ننضرب على قفانا ونسكت احسن

ادى واحد رده ربنا معاهم يعنى مفيش عزيمه ولا نيه انه يقف ضد الاداره

انت بس قاعد بتنقل مطالب ما احنا عارفين كل حاجة احنا عايزينها اصلا وبعدين انت اللى ربنا قدرك علية انك تقول ربنا معاهم طيب ما كنت تقول يا ريتنى كنت معاهم ونمثل فيلم الطريق الى ايلات مع بعض دا ان مشوفتش فى حياتى زى البوستجية

الخبر دة منقول عن جريدة اليوم السابع بتاريخ 22/8/2011 واللى مش مصدقنى يرجع للجريدة __ ولسة ياما هنشوف فى الهيئة والادارة القزرة اللى مسئولة عن خدمات الناس والموظفين اللى بيعملوا خدمات الناس __ منهم للة كمان وكمان ودة الخبر ___ تكثف الأجهزة الأمنية بالسويس جهودها بالتعاون مع شرطة البريد للقبض على مرتكبى حادث السطو المسلح الذى استهدف إحدى السيارات التابعة للبريد، وأسفر عن سرقة نصف مليون جنية من السيارة كما تمكن الجناة من الهرب.

تلقى اللواء عادل رفعت، مدير أمن السويس، إخطارا يفيد أن إحدى سيارات البريد بالسويس والتى كانت تقوم بتحصيل النقود الخاصة بعملاء البريد والمكاتب الفرعية بالمحافظة، وبعد التحصيل وأثناء اتجاهها ناحية مزلقان السكة الحديد بجانب كفر جودة قطعت سيارة أخرى عليهم الطريق ونزل منها ثلاثة أشخاص ملثمين وجوههم، شاهرين أسلحتهم النارية فى وجه قائد السيارة ومرافقه، وتحت تهديد السلاح تم سرقة كل النقود التى كانت بحوزتهم داخل السيارة والتى تقدر بنصف مليون جنيه وتمكنوا من الهروب.

على الفور تم تكليف العميد سامى لطفى، مدير إدارة البحث الجنائى بالسويس، بعمل فريق بحث وكشف ملابسات الحادث وسرعة ضبط اللصوص مرتكبى واقعة السرقة والتنسيق مع شرطة البريد. تحرر محضر بالواقعة وأخطرت النيابة لتتولى التحقيق. .......... انا متوقع اكتر من كدة فى البريد لان الادارة بصراحة تستاهل عشان الانحلال اللى هى وصلت الية ولسة الجاى اكتر

يجب ان نقف يد واحده وكيان واحدمن اجل حقوقنا