بمناسبه اقتراب محاكمه الرئيس حبيت اقول ليه ( اسفيييين ياريس )

جاء احد الاعراب واشتكى والى البصرة الى سيدنا عمر بن الخطاب فامر سيدنا عمر رضى الله عنة وارضاة ان ياتوة بالوالى مسلسل فى الحديد وعندما جاءة الوالى قال لماذا امرت ان يقبض على هكذا فقال سيدنا عمر ان الله عز وجل سيحاسبة اذا تعثرت نعجة فى طريق سيرها
هكذا يكون الحاكم يخاف الله ويخاف من حساب الله عز وجل وان خاف عرف ان الحكم نقمة وليس طرف

ؤضي الله عن سيدنا عمرو وارضاه

أنا مش آسف يا ريس ...... علشان عيشتنا في جوع ومرض وحرمان 30 سنة وكنت عايز المحروس إبنك يكمل علينا 30 سنة تانيين .
أنا مش آسف يا ريس ...... علشان سبت شبابنا يموتو في قوارب الموت على شواطئ إيطاليا .
أنا مش آسف يا ريس ...... علشان سبت البطالة تحاصرنا وتخنقنا وتطلع ميتين أهالينا .
أنا مش آسف يا ريس ...... علشان سبت كلاب أمن الدولة تنهش في جسمنا وترهبنا وتنتهك أعراضنا .
أنا مش آسف يا ريس ...... علشان أقسام الشرطة في عهدك بقت أوكار للتعذيب وإهانة المواطنين .
أنا مش آسف يا ريس ...... علشان سبت شعبك يسكن في المقابر مع الأموات وإنت نايم في قصرك.
أنا مش آسف يا ريس ...... علشان ما شفناش ناس بتاكل من صناديق الزبالة إلا في عهدك .
أنا مش آسف يا ريس ...... علشان ما عرفناش ظاهرة إسمها أطفال الشوارع والعشوائيات إلا في عهدك .
أنا مش آسف يا ريس ...... علشان ما شفناش ناس بتموت في طوابير العيش والغاز إلا في عهدك .
أنا مش آسف يا ريس ...... علشان خليت مهية المواطن ما تكفيهوش لحد خامس يوم في الشهر .
أنا مش آسف يا ريس ...... علشان سبت التجار يحتكروا أقواتنا ويلعبوا بينا ويرفعوا الأسعار زي ما هم عايزين .
أنا مش آسف يا ريس ...... علشان سبت مرض الكبد الوبائي ينهش في أكباد الشعب المصري .
أنا مش آسف يا ريس ...... علشان أكلتنا قمح مسرطن ، ولحوم فاسدة ، ومواد منتهية الصلاحية ، وشربتنا مية المجاري لحد ما انتشر فينا السرطان والفشل الكلوي وكل أمراض الدنيا المستعصية .
أنا مش آسف يا ريس ...... علشان سبت المزارعين إللي ما عندهمش ضمير يأكلونا خضروات مسقية بمية المجاري .
أنا مش آسف يا ريس ...... علشان سبت الحرامية ينهبو ثروات البلد وثروات الشعب ويهربوها برة البلد.
أنا مش آسف يا ريس ...... علشان التعليم في عهدك بقا زبالة .
أنا مش آسف يا ريس ...... علشان الرعاية الصحية في عهدك بقت زبالة .
أنا مش آسف يا ريس ...... علشان الزبالة وطفح المجاري في عهدك بقا الصفة المميزة للشارع المصري .
أنا مش آسف يا ريس ...... علشان كل حاجة في عهدك بقت ملوثة .. الهوا ، والمية ، والنيل ، والشوارع ، والسياسة ، والفن ، وحتى ضماير الناس بقت ملوثة .
أنا مش آسف يا ريس ...... علشان حرمتنا من الحرية وزورت الانتخابات وسلمت البلد للبلطجية يتحكموا فيها .
أنا مش آسف يا ريس ...... علشان سبت حرامية السلطة يبيعوا ممتلكات مصر وأراضي مصر بأبخس الأثمان للتجار وللمستثمرين .
أنا مش آسف يا ريس ...... علشان في عهدك بقى الشعب يموت بالميات والآلاف في العبارات ، وفي حوادث القطارات ، وتحت أنقاض العمارات وصخور الجبال .
أنا مش آسف يا ريس ...... علشان خليت شوية عيال يحتكروا الحياة كلها في مصر ويقسموها بينهم وكأنها عزبة ورثوها من أهاليهم .
أنا مش آسف يا ريس ...... علشان في عهدك بقت مصر من أكتر دول العالم نسبة أمية وناس عايشة تحت خط الفقر .
أنا مش آسف يا ريس ...... علشان بعت الغاز للصهاينة بأبخس الأثمان .
أنا مش آسف يا ريس ...... علشان الفساد في عهدك بقى للركب ... (بشهادة سكرتيرك الدكتور زكريا عزمي)
أنا مش آسف يا ريس ...... علشان كرامة المواطن المصري برة بلده ما تهانتش واتمسح بيها الأرض إلا في عهدك .
أنا مش آسف يا ريس ...... علشان عيشتنا 30 سنة تحت حكم قانون الطوارئ وكأننا أعداء ليك مش شعبك اللي المفروض تحميه وتسهر على راحته .
أنا مش آسف يا ريس ...... علشان سبت كلاب أمن الدولة يزرعوا بذور الفتنة الطائفية بين أفراد الشعب المصري المسالم علشان يقدروا يسيطروا عليه .
أنا مش آسف يا ريس ...... علشان حرمت مصر من واحد من أهم مصادر الدخل ليها وتشغيل العمالة وهو زراعة القطن ، إللي كان قبل عهدك أفضل قطن في العالم .
أنا مش آسف يا ريس ...... علشان خليت شعبك يشرب المية من الجراكن ، ويستنى فناطيس المية يا جت يا مجتش ، والنيل ماشي قدام عينيه وهو عطشان ، وزرعه عطشان ، وكلاب السلطة عمالين يسقوا ملاعب الجولف بتاعتهم من مية الشعب المصري الغلبان .
أنا مش آسف يا ريس ...... علشان ، مصر ، بلد النيل ، عرفت في عهدك بس حاجة إسمها (الفقر المائي) .
أنا مش آسف يا ريس ...... علشان سبت حرامية الأراضي يجرفوا الأرض الزراعية اللي حيلتنا ويحولوها لعمارات ومنتجعات .
أنا مش آسف يا ريس ...... علشان في عهدك ضاع البحث العلمي ، وهاجر العلماء للخارج ، وخرجت الجامعات المصرية من التصنيف الدولي لأفضل الجامعات .
أنا مش آسف يا ريس ...... علشان ضيعت أموال الشعب المصري في مشاريع فاشلة في توشكى وترعة السلام ، وغيره .. وغيره ..
أنا مش آسف يا ريس ...... علشان التحرش الجنسي ، والبلطجة ، وفساد الذمم والأخلاق كان سمة أصيلة من سمات عهدك .
أنا مش آسف يا ريس ...... علشان حاصرت أهلنا في غزة ووطيت راسنا قدام أشقائنا العرب .
أنا مش آسف يا ريس ...... علشان مكانة مصر في عهدك على المستوى العربي والإفريقي والدولي بقت في الحضيض .
أنا مش آسف يا ريس ...... علشان إنت كان لازم تمشي من زمان ، وتتخلع من زمان ، وتتحاكم من زمان .

احنا اسفين يا ريس على الخوف و السكوت و الاحلام اللي ادمرت و ضاعت
اسفين اننا ساعدناك و سيبناك انت و اولادك و اعوانك تسرقوا المال العام
و تتعدوا على املاك الدولة و تظلموا و تستخفوا بمعاناة الشعب


كنا نتمتى لك نهاية مشرفة لحكمك لكن للاسف انت جعلتها نهاية سوداء بتشبتك بالحكم و مساعدتك للفاسدين و استخدامك للقوة لاسكات الشعب الذي سئم من الفساد و السرقة و النهب و الظلم

&& princesse &&

&& princesse &&

الرجل ده مص دمائنا 30 سنه وخرب بيوتنا وزود فى البطاله يوجد موظف فى البريد معه سياسه واقتصاد وشغال موزع ليه علشان البيه خرب الدنيا من الكوسه الله يخرب بيته

يشهد المركز الطبي العالمي الذي يرقد فيه الرئيس السابق محمد حسني مبارك. اجراءات أمنية مشددة. حيث انتشرت مئات المدرعات حول سور المركز. وقامت الشرطة العسكرية وقوات الأمن بتأمين مداخل ومخارج المركز.. وتم نشر أكمنة مرورية ثابتة ومتحركة علي طريق القاهرة الاسماعيلية الصحراوي المار من أمام المركز.
من ناحيته .. أكد اللواء طبيب رضا جوهر رئيس مجلس ادارة المركز والعضو المنتدب ان وجود حسني مبارك لمجرد الاقامة فقط وليس للمركز أي علاقة به من الناحية الطبية.
أوضح اللواء رضا جوهر: ان فريقا طبيا يرافق الرئيس السابق ويشرف علي حالته منذ وجوده بمستشفي شرم الشيخ الدولي.. بالاضافة الي سماح المحكمة للدكتور ياسر صلاح عبدالقادر استاذ الاورام بجامعة القاهرة بمباشرة حالته متي أراد ذلك او تطلبت الضرورة.
أشار د. رضا الي انه لم يقابل أو يزر الرئيس السابق.. وأن مثله مثل أي مريض موجود بالمستشفي.

مشكوره اخت برنسيس علي مجهودك الرائع