ممكن اقول راي في الاضراب

لا
الهيئة بتخسر ومصروفاتنا عالية جدا
اتمني ان نعمل ونجتهد وبعد كده نطلب مطالبنا
وومكن نقول راي في ازاي نقلل المصروفات ونزود الايرادات
ونقول مثلا : الاستغناء عن المستشارين
ده راي واتمني ان يحترم
لا للاضراب واهلا بالعمل والانتاج واللي عنده افكار او راي اخر انا احترمه

سا استاذ خليك فى جنب واسكت احسن

هو شكله من القيادات العليا ومستفيد من النظام

سا جماعه عيب قوى علينا اللى بيحصل لازم كلنا وبدون استثناء نقف مع بعض ولو ساعه واحده تفتكروا مش هنقول الهيئه هتخسر لا هانقول ونعرف على الاقل الناس احنا مظلومين قد ايه الناس فاكره ان احنا بناخد الوفات الجنيهات سا خلق هوووووووووه لازم يبقى فى وقفه فى يوم بس نبقى ايد واحده وفى ساعه واحده مطالبنا هتتحقق كلها يعنى مثلا 8/9/2011 او فى اى يوم احنا مش شويه فى البلد دى

يا اخ احمد بلاش الكلام اللى ريحتة قديمة اوى من ايام الحزب الوطنى مصروفات اية اللى انت بتتكلم عليها وهى الحوافز المميزة جدا دى اللى متفصلة للكبار فى الهيئة دى مش اسراف بردو والروتين اللى الهيئة مصممة علية وبسببة بيضيع وقت وفلوس وجهد كبير مش اسراف بردو وبعدين يا استاذ احمد مش عيب البريد يكون دلوقتى اقل مرتبات فى البلد وهو اللى بيخدم البلد كلها اصلا يا راجل عيب دا انا بالصدفة كنت فى محطة سكة حديد من كام يوم وشوفت الامكانيات اللى موجودة مع الموظف بتاع شباك الاشتراكات اللى اصلا مفيش قدامة اكتر من 5 افراد واللة اتحسرت على حالى وحال الهيئة بتاعتى اللى بتكسب تقريبا زى السكة الحديد والكلام دة بالارقام يا محترم وبعدين انت كلامك مش مريح انت هدفك اية من كل تعليقاتك فى المنتدى انت واضح انك ليك دخل تانى غير البريد عشان كدة مش هامك اية اللى بناخدة من شغلنا لما تتكلم تبقا تراعى فى كلامك انة يكون بينصف اغلبية العاملين مش فئة معينة مرتاحة اصلا ممكن تكون انت واحد منهم

الاضراب جاى اكيد بس لسة متحددش يوم وان شاء اللة قريب اوى غالبا هيكون فى شهر 9 بس لسة متفقناش على يوم بس لازم نشوف وسيلة اتصال ببعض بعيد عن المنتدى اللى علية عيون كتير اوى عشان نحدد يوم ونقوم باللى احناعايزينة عشان الادارة تعرف قيمة الناس الموجودين فيها مش قيمة رؤساء القطاعات والمديرييناللى نايميين وبيشربوا سحلب وشاى

يا اخ كبير انت علطول بتهاجم اى حد يختلف معاك ارجو منك سعة الصدر الاستاذ احمد مغلتش فى حاجة
ولازم تعرف ان كل بريدى متفق معاك وزيادة فى كل ما يقال هنا فى المنتدى ولكن الكل فى البريد يقول ابداء وانا جاى وراك
كما ان هناك اختلاف فى طريقة كيفية المطالبة