حصري علي كيان البريد المصري شهر ونصف مكافأه للعاملين بالهيئه القوميه للبريد

تمت الموافقه علي صرف شهر ونصف علي الاساسي مكافأه لجميع العاملين بالهيئه القوميه للبريد وذلك بمناسبه صرف ارباح شركه اتصالات
وبكده احنا اول ناس عرفنا واتئكدنا من الخبر والمصدر الذي تم ابلاغي من الخبر من داخل وزاره الاتصالات

الف مبروووووووووووووك للعاملييييين

احنا سمعنا انه على الشامل

شهر ونصف على الشامل ولا الاساسى وفى حد ادنى واقصى ولا لأ

انا سمعت اخبار مؤكده انه ثلاث اشهر على الشامل شهر ونصف فى شهر 4 ةشهر ونصف فى شهر 5

مش فاهم يعني ايه تسريب الاخبار لمعرفه الراي العام مش فاهم المعني ياريت توضح وبعدين مش فاهم راي عام ايه الي يتعرف بس الحمد لله علي كل شيء يااخى الفاضل والف مبروك لك ولجميع العاملين

ألف مبروك ياأستاذ / فارس ياحامل بشائر الخير بس بصراحه أول مرة أحس بغضب سيادتك فى الرد السابق وألف مليون مبروك للجميع

اكثر شيء لا اطيقه عندما يتم تعكير فرحه لانها مهما طالت هذه الفرحه فعمرها قصير لان لم تخلق الدنيا للراحه
فمهما طالت هذه الفرحه فهناك دائما صديق ينتظر علي بابك ( هو الحزن ) لانه يعتبر من الاصدقاء الاوفياء فمهما طالت غيبته لابد ان يأتيك من وقت الي اخر كي يطمئن عليك هكذا الحياه وهكذا نحن !!!!
الف مبروك للجميع

الف مبروك على ايه على الضحك اللى الهيئه بتضحكوا علينا
هو دة نصينا من 16 مليار جنيه الارباح ده المفروض اقل واحد 10000 جنيه(عشره الاف جنيها لاغير )
مش ملاليم يجب عدم السكوت بالاهانه لينا والاستهزاء بينا للدرجه دى

اولا اخي الفاضل الارباح مش 16 مليار الارباح 250 مليون جنيه فقط مش 16 مليار

لو فرضنا يااستاذ فارس ان الارباح 25 مليون يكون نصيبنا 330 جنيه بعد الخصم هل ده عدل واكيد الخبر حيجى بكرة فى التليفزيون و قناه الجزيرة وكل القنوات العالميه والمحليه اننا اخدنا نصيبنا فى ارباح اتصالات وفى الاخر اكتر واحد حياخد مايكملش 800جنيه وشكرا على تقدير الهيئه للعبيد

اخى الفاضل ليس من الطبيعي ان الارباح كلها يتم توزيعها علي العاملين ولكي تحقق الهيئه فائض ولكن يتمم توزيع جزء من الارباح علي جميع العاملين بطريقه عادله ومنصفه وده قانون في الدوله ان بيكون لكل هيئه تحقق ربح ان يكون للعاملين جزء من الارباح وليس كل الارباح ولكن انا فاهم قصد حضرتك ان يتم توزيع نسبه عادله من الارباح وليس بطريقه غير منصفه وانا اتفق معك في هذا الرئي ان يتم التوزيع بصوره عادله

اخى العزيز الاستاز فارس الى علمناه من مصدر موثوق بالهيئه انا الشهر والنصف ليست ارباح شركة اتصالات وانها مكافئه من الوزير للعامليين بالبريد وانه تم مكافئة العاملين بالمصريه للأتصالات أ يضا بشهريين على الشامل وقال لو الوزاره فضلت لشهر اربعة سوف يتم اعطائنا شهر ونصف اضافى انما ارباح شركة اتصالات لم يتم توزيع ارباحها لحد شهر خمسه

المفروض ايها اخوة الزملاء ان المكافاة 9 شهور البهوات بيضحكوا علينا وعايزين يجيبوا شهر ونصف في شهر 2 وشهر ونصف في شهر3 وكل عام وانتم بخير يعني والله اعلم مش عارف هايعملوا اية في الباقي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فارس ايجيبتوز كتب:بس اوعدك للمصداقيه ان لو خبر حضرتك صح ولم يتم اخذ شهر ونص فاوعدك امام الله اني هقفل كيان البريد تماما وارجع الي مكاني الطبيعي من حيث اتيت
السابقه

ايه يا استاذ فارس الكلام اللي انت بتقوله ده
أنا مقدش اعيش في البريد من غير ما اقرأ اخبارك السعيده يومياً
ليه انت عاوز تحرمني أنا من اخبارك دي
مش من حقك ان تقفل هذا السرح العظيم ألا وهو هذا المنتدي الكبير
مش لازم كل رد أو كل موضوع نعلق عليه

بس كونك تمنعني من اخبارك الممتعه والمنفردة دائما بجد حرام عليك وده ابسط حقوقي نحوك
طالما انت قبلت العمل الاجتماعي والخدمي لازم تستحمل كل الناس


يااستاذ فارس ويا اعضاء المنتدي اللي عنده خبر مؤكد قبل الاستاذ فارس ينشرة بس مش من حق اي حد ان يكسر فرحة الأخرين بأي خبر منشور
لقد ظهر هذا المنتدي الي النور من اجل اسعاد الأخزة البريديين

ياستاذ فارس من يوم متعرفا عليك وانت صادق فى جميع اخبارك ولم نتاكد من اى خبر الا من هاذا المنتدا

انا شايف ان مافيش مشكله ومع الفرض أن لو أحد الافراد قام بنشر خبر غير صحيح أوقام بتكذيب خبر صادق فأعتقد الحل هو الرد من قبل الأستاذ / فارس ولا داعى لهذا الغضب الجم والتلويح بغلق كياننا البريدى ولكن قد تكون هناك أسباب أخرى لغضب حبيبى الأستاذ /فارس حيث أننى منذ معرفتى بهذا الرجل وهو دائم ذو سعة صدر وأعتقد أن سعادته الكامله فى أن يزف الينا الأخبار السعيده وأقول صبرا استاذى العزيز فارس .

اخى العزيز فارس كلنا نعلم انك تبذل اقصى ما فى وسعك لوضع المنتدى فى قلب الاحداث كما انك لا تبخل على احد فى توسيل شكوى او راى الى الادارة العليا فارجوا منك الا تهدم كل هذا المجهود فى لحظه غضب كما اننى اتشرف بوجودى فى هذا الكيان حبا لشخصك

ألف مبروك يا جماعه و حمد و فضل من الله اننا بناخد جزء من حقوقنا و بعدين يا استاذ فارس كيان بريد ايه الى تقفله داه انت سباق بالخير و كيان البريد داه هو بيت حقيقى لكل بريدى
و الف حمد و شكر لله على كده

مش اشاعات يا جماعة المفروض ان في 9 شهور او 20 شهر ايا كان المهم انهم عايزين يدونا 3 شهور بس واحد ونص الشهر دة والتاني الشهر اللي بعدة وبس وعشان كدة ناويين يعملوا اعتصام امام الادارة في العتبة.

مش اشاعات يا جماعة المفروض ان في 9 شهور او 20 شهر ايا كان المهم انهم عايزين يدونا 3 شهور بس واحد ونص الشهر دة والتاني الشهر اللي بعدة وبس وعشان كدة ناويين يعملوا اعتصام امام الادارة في العتبة.