اقتراح ( خاص بالطرود )

لن تجد في اي مصلحة او هيئة حكومية خدمة كل اجراءاتها في منتهي الغباء اللي في الدنيا زي خدمة الطرود البريدية ،، لما تحب تطبق مثل ( ودنك منين يا جحا ؟؟؟؟ ) هتلاقي المثال الحي هو خدمة الطرود البريدية ،، مفيش دفاتر ، مفيش ايصالات خاصة بالخدمة ، مفيش تنظيم للحسابات حسابات متداخلة و ملخبطة هي اشبه بالفوازير و الكلمات المتقاطعة ،، تخيلوا ان حسابات الطرود البريدية هي كالاتي حـ 6/24 & حـ 5/2 & حـ 5 & حـ 22 & حـ 22/2 & حــ 22/3 & حـ 3 & حـــ 11 & حـ 4/8 & حــ 4/9 & حـ 48
يعين 11 حساب بيعملهم موظف واحد في المكتب و تخيلوا انه بيطلع ايصال 28 ق بجانب ايصال اصل و صورة لاعطاء الاصل للعميل و لغاية دلوقت مفيش دقتر استمارة نوعية مطبوع مخصوص للطرود يعني الموظف كل يوم بيسطر بايده علي دفتر دشت معظم الحسابات دي ،، و دي حاجة تقرف و تطلع الروح و تثبت لينا ان القائمين علي هذه الخدمة لا هم مبتكرين ولا يهمهم مصلحة العميل او الموظف ولا عايزين يطوروا الخدمة ولا عايزين يوفروا الوقت و الجهد ولا حاسين اساسا بالخدمة الي جانب القرار المتخذ بزيادة اسعار الطرود مما قلل عدد العملاء للنصف في ظل المنافسة الشرسة من شركات الطرود الخاصة و كأن اللي اخد القرار ده كان عايز يدق اخر مسمار في نعش الطرود البريدية و اصبح موظفي الطرود البريدية بيدورا في ساقية التكرار اللي ملوش لزمة في كتابة الايصالات ،، ربنا يرحمنا من القيادات اللي ملهاش لزمة اللي ماسكة الهيئة و يعطوا الفرصة لاصحاب الفهم لتولي الامور ،، نداء الي رئيس مجلس الادارة ،، يا ريت تنظر لموظفي خدمة الطرود وتسمع ليهم افضل من رئيس قطاع الطرود و مديرين الخدمة

أستاذ / عماد
استكمالا لللخبطه فى الحسابات أوجه نظر سيادتكم لحد علمى لايوجد حساب 22/3 ويوجد حساب 22/1 ويوجد حساب 5/1 ولا يوجد حساب 3 ويوجد حساب 3/1 وفى النهايه لا يوجد ايرادات للطرود وحساب 5/2 يدوب بيعمل فى منطقتى 160 جنيه فى الشهر وفى المنطقة اللى جانبى عامل الشهر الماضى بسم الله ماشاء الله 20 جنيه بالتمام والكمال .

فى اية يا عم محمد رزق انت كل الى واخد بالك منة هو انة عماد قال 22/3 وهى 22/1 ولا مفيش 26/1 وفية 26/5 هو دة اللى لفت نظرك وخلاك تعلق على كلامة يعنى معلقتش على الموضوع الاصلى وهو الروتين والغباء والبيروقراطية اللى فى اداء الطرود وغيرة من الخدمات البريدية ... يا راجل دى وكأنها مؤامرة على البريد بكل خدماتة وهدف المؤامرة القضاء على البريد تماما ... يا ريت التعليقات تكون من غير فلسفة وتكون موضوعية واللى يتكلم يتكلم فى المفيد من غير (( فزلكة ))

بسم الله الرحمن الرحيم
لماذا ليوضع برنامج على الكمبيوتر اسوة بلشباك الموحد يوجد بة نموزج جميع الاستمارات الخاصة بلطرود يقوم موظف البريد بملائها مباشرة واستخراجها عن طريق الطباعة واننى علىاستعداد للمساعدة وموافتنى بنماذج الطرود[justify]

ياعم والله مش فزلكه ولا حاجه وما تزعلشى نفسك وحقك عليه ياعم على

يا ريت الاراء والنماذج تكون فى كل الخدمات مش الطرود وبس