إضراب جميع مكاتب البريد بالإسماعيلية عن العمل احتجاجاً على المماطلة في صرف حافز الإثابة

إضراب جميع مكاتب البريد بالإسماعيلية عن العمل احتجاجاً على المماطلة في صرف حافز الإثابة
|

أضرب العاملون بهيئة البريد بالإسماعيلية عن العمل بالكامل ونظموا وقفة احتجاجية أمام مبنى البريد الرئيسي بالمحافظة احتجاجاً على مماطلة الهيئة في صرف حافز الإثابة
المحدد بنسبة 200% ورفض الهيئة صرف نسبة من أرباح شركة الاتصالات وميناء دمياط و9 مشروعات أخرى تساهم فيها الهيئة على العاملين وللمطالبة بتحسين مشروع الرعاية الصحية ، وأن يكون حافز التميز بدون تقييم وضمه للمرتب الأساسي وإخضاع صندوق الولاء الخاص بالعاملين للرقابة عن طريق الهيئة العامة للصناديق الخاصة وعرض ميزانيته على العاملين .

وإلغاء ضريبة كسب العمل التي تصل لنحو 100 جنيه على العلاوات الخاصة والمطالبة بتثبيت العمالة المؤقتة وتسوية حملة المؤهلات العليا ، ورفع المحتجون لافتتات مدون عليها " فين حقوقنا فين يا بريد مصر فين "، وأكدواعلى ضرورة الاستغناء عن المستشارين داخل الهيئة لتقاضيهم مرتبات باهظة دون مقابل في العمل يوازي هذه المرتبات ووضع حد أقصى للأجور يتم الاعلان عنه حتى يمكن تحقيق الشفافية داخل الهيئة .

وانتقد المحتجون سوء إدارة الهيئة وعدم قدرتها على إدارة العمل داخل الهيئة وإهدار 400 مليون جنيه من أموال الهيئة والتي تباشر النيابة العامة تحقيقاتها الموسعة فيها حاليا ، وأكدوا أن زيادات يتم صرفها للعاملين تكون وهمية لمقابلتها زيادة في الخصومات والضرائب . وهتف المحتجون ضد هيئة البريد المصرية مرددين " الشعب يريد تطهير البريد ".

وحشتنا اخبارك يا علوي والله ينور
ورنا يستر علي الهيئه لان الي جاي لايبشر بالخير

بلاش يأس يا استاذ فارس احنا مش بنعمل حاجة غلط لاننا فعلا اصحاب حقوق ضايعة مننا وانت شايف ان ادارة البريد متعنتة جدا مع موظفينها وخصوصا الموظفين الغلابة اللى طالع عينهم فى الشغل وبتهتم بالكبار وبتديهم اكتر انا مش فاهم رئيس القطاع دة بيعمل اية اصلا ولا ادارة زى التسويق بتعمل اية اصلا بجد حرام الصرف على الناس دى وتجاهل كل الناس التعبانة بجد عيب احنا بقينا اقل ناس فى مصر ماديا واجتماعيا ومعنويا

يافارس وياعلوى كلنا ايد واحده بس مش عايزين الاسماعليه فقط لالالالا احنا عايزين المنيا واسيوط والبحر الاحمر وشرم واسوان وكله علشان الصوت يوصل والله المستعان

ان شاء اللة البريد هيكون افضل من الاول بصوت الحق اللى طالع من ولادة وان شاء اللة اخرة المستفيدين منة قريبة اوى اوى لان ربك يمهل ولا يهمل وكل الفاسدين اللى بياخدوا حقوق مش من حقوقهم وبيستخسروا فى الموظف الفقير انة يعيش عيشة كريمة ..... عايزين يركبوا عربيات واحنا لا .... عايزين يتعالجوا واحنا لا ...... عايزين يصيفوا ويشتوا احنا لا ...... عايزين يعلموا ولادهم احسن تعليم واحنا لا ...... عايزين كل حاجة واحنا لا

ما ضاع حق ورائه مطالب
يارب