حصري علي منتدي اصدقاء البريد المصري شهر مكافاه بمناسبه عيد الفطر المبارك

لقراءه الموضوع ارجو زياره هذا الرابط http://postfriends.net/vb/showthread.php?t=6968&page=1 والف مبرووك للجميع

فين الرابط ياعم فارس ... ولا انت بتسبق وبتعلن شهر من عندك .. طب ياسيدي الله يبارك فيك حاف من غير غموس عشان مافيش تأكيد

عيب والله يا استاذ  sbel_hsen الكلام ده لما اسمعه  في اي منتدي تاني عادي لكن لما اسمعه في المنتدي بتاعي يبقي خساره والله لسه عاوز تتئئكد من موضوع انا منزله  في منتدانا طيب اي منتدي عادي مش يعرفني فالاعضاء بتحب تتأكد  لكن في منتدي بتاعي ولسه عاوز تتاكد علي العموم شكرا ليك ودائما اي موضوع بقوم بتنزيله بيكون  صحيح 100%

استاذ / فارس
بعد التحيه
اسمحلي الاول اتقدم ليك بالشكر والامتنان للرد علي رسالتي
ثانيا اقدم لك ولكل الزملاء بأخلص التهاني القلبيه بحلول عيد الفطر المبارك وكل عام وانتم بخير
ثالثا موضوع الشهر منحه عيد الفطر مازالت كلها كلام ومن صفحة اشرف بيك نفسه كان لغي الموضوع ده وقال بلاش كحك ونشوف المدارس اهم ياعني خلوا المحنه علي دخول المدارس .. وبعدين لما الناس هاجت وفضحته وبدأت تكشف مهازل وفضايح وهددت بالاعتصامات ( كش ملك ) البيه اشرف حول الموضوع للشؤن الماليه
رابعا هل تعنقد ياأستاذ فارس انك ح تقدر تصرف حاجه قبل العيد ده حتي لو قال انا موافق لسه المنشور ولسه علي مايتنفذ يكون العيد الكبير وصل وعليك خير وهو بعد العيد يتفت الكحك ... في موافقه معاك اوك بس الاهم انك ح تصرفه علي دخول المدارس مش علي دخول العيد ويجعله عامر انشالله وكل عام وحضرتكم بخير والفيل في النمليه

اخي الفاضل كلامك  صحيح ولكن الشهر موجو وقام الاستاذ مصطفى سليمان رئيس قطاع الشئون الماليه بتجهيز المنشور وفي انتظار موافقه الوزير وكده كده لازم هيوافق الوزير ان شاء الله فيه شهر هيتصرف امتي مش مهم المهم اننا هنصرفه زي شهر رمضان طالت وصرفناه وبعديها خدنا شهر العيد ده حقنا مهما طال هناخده وده المهم يااخي الفاضل صح  اهم حاجه انه هيتصرف لينا وبس وده المهم صح ولا لا ويارب عقبال عيد الاضحي وكمان المدارس ليه لا ان شاء الله هنطلب ده كمان لانه ابسط حقوقنا
 وكل عام وانت بصحه وسلامه وخير انت وجميع الاسره السعيده

استاذ / فارس
بعد التحيه
ارجو نشر تهنئتي بعيد الفطر المبارك علي جميع الزملاء اعاده الله عليكم بالخير واليومني والبركات
واشكرك مرة ثانيه علي تفضلكم بالرد .. وان كان في اختلاف بالرأي فأنا اقدر ذلك الاختلاف واحترمه فلان الاختلاف في الرأي لايفسد للود قضيه وهذا لانختلف عليه حين أتناقش عن أي موضوع ولو بالمعارضه أو بالايجاب فهذا رأي يجب أن يحترم سواء كان الرأي من جانبكم أو من جانب الاعضاء . وهذا للعلم ....
وكل عام وحضرتكم بخير

ارجو التواجد معي علي منتدي اصدقاء البريد المصري وسوف تبلغ الجميع بنفسك تحيتك وانا في انتظارك حتي يكون التواصل بصفه دائمه بيننا وارجو تواجدك معى في المنتدي